س: مين اللي يسوي البث عادة؟ ج: جميل عبدلأحد أو مشهور الدبيان. الأول حجازي والثاني قصيمي، لا تلخبطون بيننا تكفون :(

س: كم مدة البث؟ ج: عادة بين ساعتين الى اربعة ساعات و أحيانا يكون أكثر.

س: ليش ما تأجلون البث؟ عندي اختبار، في مباراة مهمة، عندنا صلاة، عندي دراسة .. إلخ ج: نختار وقت البث بحيث يكون بعد ما يكون خلال وقت الصلاة في مدينة الرياض، ما نقدر نختار وقت يناسب اوقات الصلاة في جميع المدن. وبالنسبه للدراسه فعندنا متابعين كثير موظفين. اذا عندك التزامات أخرى مثل الدراسة او الأهل او غيرها فاهتم فيها بعدين تعال، لاحق علينا. وعموماً البث يتسجل دائماً في قسم Videos في هذي القناة ما راح يفوتك شي.

س: وش رأيكم في كرت الشاشة هذا؟ ممكن تسووا لي تجميعة كمبيوتر بالسعر الفلاني؟ ج: هذا أكثر سؤال ينطرح في البث. حنا نحب نلعب العاب PC بس مو خبراء في القطع والتقنيات الموجودة حالياً. نقترح انك تسأل ناس خبيرين في هالشي.

س: وش قاعد تلعب ؟ ج: في الغالب اسم اللعبة مكتوب في عنوان البث.

س: ليش تلعب هذه اللعبة؟ ممكن تغيير اللعبة؟ ج: عادة نلعب الالعاب اللي نكون متحمسين لها ولنا نفس نلعبها وبالتالي ينعكس حماسنا في البث ويصير ممتع لنا ولك. بالاضافة الى انه ما نقدر نواعد الناس على لعبه معينه ثم فجأه نغيرها لان فيه احد ما اعجبته.

س: وين ساكن؟ ج: جميل في تورنتو (كندا)، ومشهور في الرياض.

س: ممكن أصير مود؟ ج: حنا نختار المشرفين فقط اذا كنا محتاجينهم لتنظيم التشات، ونختار من الناس اللي يجون دائماً ويكونون محترمين الحضور. حالياً عندنا العدد الكافي من المشرفين

س: عندي تقطيع في البث "لاق" أو البث لا يعمل، وش الحل؟ ج: عادة المشكلة من عندك، جرب تحدث الصفحة و توقف التحميل "الداونلود". اذا المشكله من عندنا فراح نقول هالشي من البث.

Test Dayz

Close